كيف نجعل منتدانا هو الأفضل

ممكن تثبيت الموضوع هاذا لانه مهم للمنتدى

في موضوع قريته في أحد المنتديات وعجبني وحبيت تشاركوني فيه

وأتمنى الفائده للجميع !!

مـاهو المنتدى ؟

المنتدى هو بيتك الثاني وفية اخوانك واخواتك يشاركون معك في المعرفة وفي المزح ويزعلون لزعلك ويفرحون لفرحك
وفي هالوقت كثرت المنتديات وصار هناك سباق للمنتديات وكل عضوة او عضو يتمنى أن منتداه هو الأفضل ويتفاخر وتتفاخر بين صديقاتها او اصدقاه بهذا الشئ ..

فكيفك نجعل منتدانا هو الأفضل ؟؟

الحل بسيط جدا جدا ..

* اولاً : (( تشجيع الأعضاء الجدد ))

هذي هي البداية وأنتوا أكيد تتذكرون ان كل واحد منا يوم إشترك في المنتدى وكتب موضوع وكم يتمني يرد علية الكل ،، وبتشجيعنا للعضو الجديد فنحن نحثهم على الأبداع في مجالات آخرى ..
والعضو الي دايم يكون او تكون الأولى في الترحيب ،، حبيبة وقلبها طيب .. او حبيب وقلبه طيب !!

* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء تشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على مواضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل.. او محبوبة الكل ..

* ثالثاً : (( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر ..
والعضو الي دايم يكتب مواضيعه بنفسه ،، هذا نشيط ومتميز..

رابعاً : (( الكلمة السحرية ))

وهي أن تكتب كلمة (_ شكرا على هذا الموضوع _) كلمات قليله ماراح تتعبك او تنقص من قدرك ،، كثير مانشوف مواضيع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماكلفت على عمرك وجاملت صاحب او صاحبة الموضوع .. أجل ليش تشارك او تشاركين وتعبون أعماركم ‍‍‍‍‍‍‍‍‍‍ ‍‍‍.؟؟!!.

خامساً : (( محاربة الشللية ))

وهذا أكبر خطر يهدد أي منتدى وكثير من المنتديات هرب منها اعضائه لهذا السبب ،، والشللية هي أن يتفق الأعضاء ويقولون ( حنا والله شله ارتحنا لبعض ومانبي سحليه جديدة او تمساح جديد يدخلون بيننا ،، والاتفاق هو ترد على موضوعي وارد على موضوعك ) وتروح فيها الضعيفة ( العضوة الجديدة ) او الضعيف (العضو الجديد) وماتعطونهم وجه لين يملون وينسحبون من المنتدى ،، وخلاص انتهاء المنتدى وصار ممل واللافضل انه يتقفل.

سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيلوا انفسكم مريضين او متضايقين او تعباانين نفسيا حتى أهاليكم مادروا عنكم ،، وتجون للمنتدى ولكل مشتاق لكم ويسألون عن كل واحد يغيب ،، أكيد بتتشققون من الفرحه ومحد قدكم )

ويسمى العضو الي دايم يسأل عن الأعضاء ،، طيب القلب ..

ولو غاب يسمونه يااطيب القلب وينك؟؟

حلو يكون لك مسمى في المنتدى الكل متفق عليه ماينادونك كلهم بنفس الإسم .. " صح والا غلطانه "

سابعاً : (( التقليل من المواضيع المنقولة ))

بعض المواضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن تكتبين عشر مواضيع في اليوم ..

ثامناً : (( إتباع القوانين المفروضه على الجميع من حيث المشاركات ))

يجيك عضو يكتب كل يوم عشر مواضيع وفي كل قسم تطرح لها ست مواضيع ،، ويالله يالله نرد على نصهم .. وهذا اذا قدرنا نكمل النص

وأخيراً ......

المنتدى ليس بعدد اعضائه ،، بل بترابط اعضائه كالأسرة الواحده
وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))..

اخوووكم

مجنون بس حنون

التوقع: